أشتقت لك والغلا قرب يضيعني.
والخاطر اللي صبر مل وقضا صبره..
بأعلمك شي وأفهم دام تسمعني..
.
من واقع التجربه والوقت والخبره,,
لو الخلايق على حبك تنازعني.. .
يبطون ماحركوا فيني مغز أبره..
ماغيرك أحدن قوى قلبي وولعني. .
وغلاك عندي وسط القلب ياكبره...
لو بأتكلم غزير الشوق قاطعني. .
مكسور خاطر والمكسور وش جبره..
يخونني الوقت والغيبه تصارعني..
أكتب وحتى القلم خان ونشف حبره...
رجعتلك والغلاوالحب رجعني
.
ياحي.. هالشوف والضحكه..وهالنبره...
غيرك من الناس لو حاول يطالعني.. .
أصد عنه ولا أشوفه ولاأعتبره...
*الاأنت*يالشاري اللي منت بايعني...
نظرة عيونك صفا لو ليلتي غبره...
وأن كان ودك لدرب الحب تدفعني.
.
قلبي يحبك ولا يحتاج تختبرررره | 
ليست هناك تعليقات:
إرسال تعليق
ياهلا فيكم الإجابية في كتابة تعليقكم يحفزنا لنأتي لكم بكل جديد مشكوووووووووورين