أقول بنسى وأحسب إني نسيته
الحب الأول صعب نسيان راعيه
الحب الأول صعب نسيان راعيه
عانيت في بعده كثر ماهويته
لا حصلت قربه ولاني بناسيه
ليل ونهار وخاطري كم رجيته
وأنا مابين أسمه ورقمه وطاريه
الله عطاني من غلآه وعطيته..
وغيره بغى قربي ولاني بمعطيه
قالوا هويته قلت إيه هويته
قالوا تركته قلت ماني مخليه
له منزلا" في وسط روحي بنيته
جدرانه ضلوعي وهو ساكنن فيه
حملت قلبي بالهموم ورجيته
كني ماأعرف إلا غيابه وأحاتيه
أقول بنسى وأثرني مانسيته
الحب الأول صعب نسيان راعيه
ليست هناك تعليقات:
إرسال تعليق
ياهلا فيكم الإجابية في كتابة تعليقكم يحفزنا لنأتي لكم بكل جديد مشكوووووووووورين