احبكم جميعا وبدون استثناء

الحب سمو في التعامل ورقة واحساس فهل تشاطرني هذا القول





الثلاثاء، 31 مايو 2011

اموت فيك واحيا عشانك


ودي اكتب فيك القصايدوالامثال
واتغزل فيك لين يمل الغزل منك

ودي اصرخ بوجه الفراق
 واقول مقدر على فرقاك
 
ودي اقولها بعالي الصوت
احبك .. واعشقك .. واهواك



ودي تعرف شي واحد قبل لاترحل
 بليلة الفرقا اني اموت فيك واني
لاعمري فكرت اخونك
 او اجرح احساسك
ودي كل هالعالم تدري بحبي لك
..
ودي احبك .. وامل منك .. واتعب عشانك .. وانجرح منك ..
ويهل دمعي بسبتك ..
وارد واشتاقلك ..
ودي احبك .. لين يمل الحب من قلبي .... ويرحل عني بعيد ..


ودي اجمع احاسيسي واقدمها لك هديه ,،،،

من شخص حبك ومستحيل يتركك ..
 ودي اعشق كل كلمه تنطق بها شفاتك ..
وودي احط عيني بعينك وتشوف الكلام
اللي اندفن فيها ...
ودي اعبرلك عن اللي بخافقي انكتب ..
وابين لك غلاتك داخل اعماقي ..
ودي انك تزعلني .. وارضيك .. وازعلك .. وابكي .. عشانك
..
ودي تحس بقيمة الحب اللي ملئ علي حياتي .. وكيف ان حبك احياني من جديد
...

وخــــــلا نـــــــــبــــــض قلـــــبـــــي يـــــــزيـــــــد
....

ودي اكشف لك عن اللي بالضماير تولع
 واعطيك قلبي اللي ملكته بليا شروط

قلبي ايه قلبي صار مكتوب بإسمك
 انخلق بها الدنيا عشان يحبك ويغليك
ودي تعرف ان كل دقه يدقها قلبي
 على حسابك ولك لحالك ..
ودي أحبـــك وأعشقك وأهواك
..
واموت فيك واحيا عشانك ...

الاثنين، 30 مايو 2011

مساء الحبْ يا جار القلبْ

                                
 
مساء الورد
 
 
مساء الوردْ مساءٍ يختفي بنوره انين البردْ
مساءٍ مايعرف الصدْ
مساءٍ معطر بورود شفافه
تشفي الهم وجراحه...
 تزيل الوهم واشباحه...
 وتداعب طري الخدْ
مساء الوردْ
 مساءٍ ما تطوله ليالي البعدْ
 مساءٍ يعطر الوجدان...
 وتسهر لاجله ورود الارض والريحانْ
 مسا... الذكرى... ويوم الامس....
وامل بكرا مساء النرجس الحاني....
 وطيفك يغازل اجفاني....
 مساء الحبْ يا جار القلبْ
 يازهر الدربْ
ياعشق باقي بوجداني...
 ولا يعرف حدود الحدْ
مساء الوردْ
يا حلم الغدْ
 ياكل الوعدْ
 يا اجمل من عرف قلبي وسكن دربي....
 وله مني.......
صدوق العهدْ
 
   
رَبيِ إِنزَع من قَلَبيِ تِلَكَ آلَآشيِآء آلَتيِ تُؤلَمنيِ
فقد خَآبَ آلَظّن بِ آلَكثيِر !!وَ آلَظّن بكَ لَآ يِخيِب . . . !

الأحد، 29 مايو 2011

الحب الحقيقي

في بستان الحب نزرع...
في بسـتـان الحُـب نــزرع .. ويبقى الحب بستان الحياة الأجمل
 

تحية عطره لأطيب القلوب
أليست العين تعشق الجمال ...
وتعشق الروح الروح ...
ويطيب النظر للورد وروائع ألوانه
لتأسر الناظر والعابر ...
هكذا هي بساتين الحياة كثيرة ومتناثرة
ويبقى الحب بستان الحياة الأجمل
الذي نزرع فيه مانقطفه ...

الورده الحمراء لن تجرح يديك بشوكها
إلا إذا أخطات الإمساك بها ...


وما الحب هنا الا شعور نقي يكافئ الأنقياء ..
بستانه خصب وسيع الأرجاء ..
يكاد يحتوي على جميع الالوان بما فيها اللون الاسود ..
ويبقى انا وانت من نقرر ماذا نزرع 


كثيرون هم من نزفت أيديهم دما
لمجرد أنهم مدوا أيديهم الى أشواكه فوجدوا مالم يتمنوا ..
وكثيرون هم من ذبلت ورودهم
لان هم جهلوا كيف يتعاهدوا مع تلك الوردة
فذبلت وماتت وبقوا هم بحسرتهم ...
وكثيرون هم من تعجلوا قطف الورود التي
لم تتفتح فبقيت ورودهم عديمة الرائحة ذابلة المنظر..


هكذا هو بستان الحب ..
لا ينبغي أن نتعجل زراعة مشاعرنا فيه لنضمن لها البقاء والخلود ..
ومالحب أولا واخيرا الا مشاعر نبعثها ونستقبلها
وما بستان الحب الا ساحة نجني فيها
ما زرعناه ونحصد ذلك الحصاد الذي لابد ان لا نتعجب من نتاجه فهو حصاد ايدينا



وما المانع ؟؟؟
ان يكون بستان حبي ورودا تُهدى للجميع
ويَنعم بها الجميع
تهب المنظر الجميل والعبق الزاكي
بروائحه العطرة لكل من مر بهذا البستان ..

وما المانع ؟؟؟
ان اتعب في تهذيب غرسه وتنميق منظره
لينتشي من يعبر به من روعة النظر اليه ..

وما المانع ؟؟؟
ان يدخل ساحته كل من أقترن طريقه به

 
وعندها ستكون الرابح الاكبر
وحتما ستجد حينها ذلك القلب العابر
الذي وجد في بستانك مالم يجده في بستان غيرك
ووجد في ورودك مالم تلمحه عيناه
في غير بستانك ليقرر عندها ان يطرق باب قلبك انت ..



بستان الحب هذا هو بستانك انت وحديقة مشاعرك
وما زوار بستانك الا قلوب جاءت لتبصر وتشاهد... فاختر حينها
أو...
يكون غرسك صدقا تبادلهم الصدق به وحبا يطيب التعامل معه
أو...
نفاقا وزيفا سيعجل ببوار أرضك وهجر قلبك


همسة السطر الاخير
في بستان حبك قد نبصر ورودك... فنبقى
وقد نبصر اشواكها ... فنرحل

السبت، 28 مايو 2011

محتاج لك حيل قرب يا نظر عيني

بجنون احبك وادري تحبني بجنووووون
وتعبت في بعدي كثر مابعدك أتعبني؟؟؟
تعال محتاج قربك لا تخليني
خذني من الصمت والحرمان والضيقه
محتاج لك حيل قرب يا نظر عيني
الصبر عنك حبيب الروح ما اطيقه
جيتك وحزن البشر ودموعهم فيني
مثل الذي بالصحاري ناشفن ريقه




وربي لوتغيب سنين وياخذك الزمن مني
أببقى يا بعد عمري على ذاك العهد وافي
ترى من جد حبيتك وزود الحب جنني
كتمت الحب في صدري ولا بد يظهر الخافي
رسمت أشواقي لك ورده وابيها توصلك مني
وأبي منك تعطرها وتسقيها عسل شافي
يموت بداخلي إنسان ويحيى إنسان ويبقى
يقول أموت في حبك وياليته بعد كافي
أبكتب لك قصيده حب وأصيغ الحان وأغني
اببحر في بحور الشوق وهو يكسر لي مجاديفي

وبالآخر أطلب منك ...
تذكرني قبل ترحل وبعد ما ترحل أذكرني
مثل طفل فقد أمه وهو في حضنها غافي
تصدق لو تغيب سنين وياخذك الزمن مني
تاكد وقت ما ترجع بتلقى حضني الدافي

الخميس، 26 مايو 2011

قالت لي مليت .. ودي بحد غيرك

قالت لي مليت .. ودي بحد غيرك
جمّع جروحك .. لمّلم مشاويرك
واذا قضى صبرك .. جّرب صبر غيرك
لو اشغلك وعذبك طيفي .. ابكي
واذا بكيت اكتب بدمعك شعر .. اشكي لمراسيلك
وبوعدك اذا صرخ جرحك ونادى .. دمعتي تنزل عليك
بضحك على ايامي معك .. واخذ على غدري عهد مايخلص لغيرك
اعذرني .. مليت

ماتبيني .. ملّت الصدق المشاعر ..
يانور ايامي وسنيني اللي مضت
يالظلام اللي بيديني ..
مابقى فيني بقايا اتركيني
سل الحزن لغدرك خناجر .. ومالقاني فيني
وجرحي نادى .. يامحاجر الدمع مايكفيني
ضاعت بداياتي .. بقيت نهاياتي .. واسأل اجاباتي ..
هو أنا اخطيت ؟!
هو بقى في اللي بيجي ياليت .. ؟1
ماتت اجاباتي
قالتلي .. مليت 


يا اكثر جروحي الاخيرة ..
لو عرفتي اليوم قلبي ودعك
يا آخر جروحي الكثيرة ..
ماعرفتي اليوم ما عاد اذكرك
وما اذكر من اللي مضى .. الا غرامك والفراق
و بعض اللقاء والإشتياق ..
وكل الاحاسيس الصغيرة ..
يابرد عمري و يا هجيره .. تخطين لو يخطر في بالك
انك في بالي كل دقيقة ..
وانك خيالي والحقيقة
واني احبك مهما كنتي ..
يابرد عمري وزمهريرة
ان كان قلتي اني فقدتك .. ماصدقتي
وان كان قلتي مانسيتك .. ماصدقتي
لو عرفتي مااذكر من اللي مضالي الا انتي
وما اذكر من اللي مضى الا انتي
وما اذكر الا اني بكيت
وفي ليلة مافيها وفاء .. قلتيلي مليت
يا انتي اخر أولي ..
لاتصدقي اني نسيت !!